ESCRIBE TI O GUIÓN DESTA AVENTURA

Non sei se coñecedes os debuxos animados de "A pantera rosa". Son moi curiosos xa que a súa protagonista é unha pantera de cor rosa, que non fala e que ten unha gran habilidade para meterse en leas.

Déixovos un dos seus miles de capítulos para despois facer un traballiño...Atendede!!!

Agora, lede ben o que tedes que facer...

PROPOSTA:

1. Volvede ver a curta e ide facendo un borador do que vai acontecendo.
2. Narrade a historia deste episodio, o que vai sucedendo.
3. Seguide a orde dos acontecementos, é longa, pero podedes facelo.
4. Este traballo de narración supón dedicación pois non sería suficiente con contar "por riba" o que pasa. Tedes que contar todo o que se vai desenvolvendo neste capítulo.
5. A lonxitude do traballo, por tanto, non é medio folio nin unha cara dun papel.
6. Non é contar un resumo da curta, trátase de CONTAR A HISTORIA QUE ESTADES A VER.
7. Como esta tarefa ten certa complexidade, tedes toda a semana para facela.
8. Escribide en galego, correxide a ortografía, consultade dicionarios, empregade sinónimos, antónimos...procurade vocabulario variado, non vos repitades na escrita. Nada de borranchóns. É dicir, dedicádelle tempo.
9. Cando xa teñades toda a historia, pasádea a limpo e enviádesma. Quero dicir con isto que teredes que traballar sobre un borrador e non enviar o primeiro que se vos pase pola cabeciña.

Data límite de entrega: venres 8 de maio.                                                       A escribir, narradores!!!