VISITANDO EXPOSICIÓN "ROMPE"

As palabras non sempre son suficientes para expresar as ideas, que mellor que as imaxes para reforzar o que se quere comunicar.

Achegámonos ao Concello para coñecer e comprender coa exposición "Rompe. Xoga en igualdade", poesía visual por todos os frentes. Nela transmítese o rexeitamento a unha cultura pouco respectuosa que considera e trata á muller dun xeito nada tolerante, da necesidade de romper coa violencia machista.

Coa boneca Barbie como protagonista, caracterizada en cada unha das distintas situacións nas que a muller perde a súa dignidade.

Reivindica a igualdade entre homes e mulleres para todo e en todos os ámbitos sociais, culturais, profesionais e familiares con 18 situacións que aínda acontecen no século XXI.

#barbifloreiro      #barbiprincesa     #barbinenacasadaáforza       #barbiclub

  

MOMENTOS DE RELAX

Non todo vai ser traballar...

MANIPULANDO AS MATEMÁTICAS

Despois de aprender agora toca ensinar. E practicar.

As regletas de Cuisinaire son un material para comprender conceptos matemáticos moi útil e fácil de empregar. Desde sumas ata funcións, pasando polas potencias, raíces, ecuacións. Pódese resolver de case todo con elas.

Ao principio coñecemos, manipulamos...imos relacionando cor e valor.

Despois sumar, restas e potencias. Enténdense moito mellor vendo o porque e descubrindo a razón dos algoritmos e dos distintos conceptos matemáticos.

o cadrado de 11, ou raíz de 121

buscando o cadrado de 13, ou a raíz de 169

Aínda queda moito que practicar e manipular. Pero seguro que imos avanzar en positivo, sumando esforzo e multiplicando coñecementos.

VOLVEMOS...

Comeza unha nova etapa, novas caras, novos propósitos. Novo curso...

Fixémoslle unha visita ao Museo da vila, e descubrimos que temos motos artistas na zona, xa que a exposición era de "Artistas do Deza".

Acollía 37 obras: pinturas, esculturas, fotografía. Fondevila, Paio, Lareo, Laxeiro, Sucasas, Wily, Gloria Alonso, Aymerich, Xulia Ferradás, Meijomence, Lamazares, Santomé, Nicolás González, Armindo Salgueiro, Álvaro Negro, Bibi, Ana Dobarro, Xabier Arias....

A nosa compañeira de visita foi Cecilia, que fixo unha explicación moi detallada das obras e respondeu ás nosas curiosidades.

Voltaremos....

CONTACONTOS CON LINGUAXE DE SIGNOS

Foi todo un reto pero conseguímolo...

O conto "Ser amigo" pasámolo a LSE.

FACENDO DE CONTACONTOS

Esta actividade non pode faltar no noso grupo. Encántalles actuar, falar, ler...son uns enormes actores.
A obriña escribírona eles...mellor imposible.

MUSEO DO TÍTERE

Cando desfrutamos neste marabilloso lugar. O propio Pazo de Liñares xa ten o seu encanto.

Fomos ver a posta en escea dunha obriña adaptada por Fantoches Baj, de xeito que o montaron como un teatro de sombras...precioso!!!

A obra chámase "O xigante e o golfiño"

DIAPORAMAS

Vaia que ten un nome rariño.

Un diaporama supón colocar imaxes a diferentes distancias entre si formando unha escea que, en conxunto, pódese apreciar en diversos niveis.